خلاص يا جماعة بما ان الموضة اليومين دول القرصنة و خطف المراكب فأنا خلاص قررت أبقى قرصان
حأخد أصحابى فوزى و كمال و عيسى و نروح الصومال نقرصن
بس فى الاول محتاجين رجالة معانا ... محلولة ان شاء الله
احنا ننزل شارع شميس و كفر احمد عبده و منشية الرجولة فى كفر عامر و نجيب شوية شباب كده من بتوع زمان
ايوة بتوع زمن الاجرام الجميل زمن الرواد ادهم الشرقاوى و عزت حنفى
وناخد فلوكة و نطلع على الصومال
ونلقط بقى رزقنا هناك
أيوة نخطف كام لنش على كام باخرة وناخد الفدية و نرجع مصر ملوك زماننا
بس فى الاول انا محتاج اغير شكلى
حافقع عينى والبس حتة جلدة سودة عليها (زى موشى ديان الله يرحمه )و اقطع كف ايدى اليمين و احط خطاف
و اسمى نفسى كابتن باسيو المنشار (اسم مرعب مش كده )
و ارفع علم القراصنة على الفلوكة
بيس يا رجالة
قشطة قوى
ياللا بقى نبدأ قرصنة .
ملحوظة اخيرة : الصورة من فيلم pirates of the carribean
فكرة جامدة مووت,فعلا عجبتني الفكرة دي,ملهاش حل, هي الفكرة ايه بقى
ردحذفشريف
حصلنا الرعب ,,,,
ردحذفالله ينور ع الرجالة ,,أيوة كدة لسة في رجالة في البلد مستعدين للإجرام ,,بجد فكرة هايلة هايله هايلة ,,, ربنا يوفقكم وترجعوا بالغنيمة وتقبوا على وش الدنيا,
بس إنت ماوضحتش حتفقع انه عين اليمين ولا الشمال خلي بالك دي نقطه مهمة جدا وممكن العملية كلها تفشل لو فقعت العين الغلط ,,,إرجع للتاريخ وإعرف بالظبط وربنا معاكم :D :D :D